صباح الطيب يأحلا طيب شفته في شكل إنسان
صباح الملح ياملح الوجيـه الناعمـه الملسـى
ابي منهو عطاك الحق تحرمني مـن النسيـان
وانا من عادتي لامن نويت انسى قدرت انسـى
اثر بعض الغلا لازاد عن حده يصيـر ادمـان
مثل ماعمى غلا "صخر" وفراقه اخته " الخنسا "
انا ماودي افارق عيونـك وارجـع الخسـران
وانا مالي بعد مرسي عيونـك يالغـلا مرسـى
علامك كل ماقربت لك خطوة تـروح اوطـان
علامك كل مالينت لك راسـي تصيـر اقسـى
علامك كل ماصحيت عقلي جيت لـي نشـوان
علامك كـل مافتحـت عينـي جاتـك النعسـا
علامـك كـل ماغنيتلـك ياطائـر الاشـجـان
تطيـر ولاتوقعلـك علـى غصـن ولاترسـى
احبك كثر ماحـب العـرب زايـد بـن نهيـان
كثر مامر هالقلـب بليالـي مظلمـة وشرسـى
احبك كثر ماعاشوا يتامـا مـن كـرم سلطـان
احبـك مـن هنـا للصيـن لليابـان للنمـسـا
معك بالذات كن الله حرمنـي نعمـة النسيـان
اقول اني قدرت انسى وانا مالي امـل انسـى
/
/
/
الخميس نوفمبر 15, 2007 12:23 am